Scholars At Risk абвясцілі прыём заявак на атрыманне дыстанцыйных стыпендый для даследчыкаў, якія вывучаюць, пішуць і / або выкладаюць пра акадэмічную свабоду або звязаныя з ёй каштоўнасці вышэйшай адукацыі. Праграма прызначана для забеспячэння стыпендыямі навуковых даследаванняў і падтрымкі прафесійнай супольнасці, у яе змест можа ўваходзіць: публікацыі артыкулаў, распрацоўка новых курсаў, правядзенне семінараў, прэзентацыя на канферэнцыі; альбо іншы ідэнтыфікаваны канчатковы прадукт. На працягу васьмімесячнай праграмы, з лістапада 2021 г. па чэрвень 2022 г., стыпендыяты завершаць прапанаваны імі праект і будуць удзельнічаць у штомесячных дыстанцыйных онлайн-семінарах.
У другой палове праграмы стыпендыяты павінны будуць падрыхтаваць і выступіць у на онлайн-імпрэзе з прамовай альбо прэзентацыяй сваёй працы на семінарах для супрацоўнікаў SAR, членаў сеткі і гасцей (пры неабходнасці з адпаведнымі сродкамі бяспекі). Стыпендыяты атрымаюць стыпендыю ў памеры 8000 долараў ЗША, прызначаную для пакрыцця выдаткаў на даследаванні, публікацыі альбо іншыя выдаткі. Акрамя таго, удзельнікі атрымаюць магчымасць пазнаёміцца з праграмамі SAR і наладзіць сувязь з экспертамі па пытаннях акадэмічнай свабоды.
КРЫТЭРЫ:
- Ступень магістра або доктара навук атрымала менш за 8 гадоў таму,
- Бягучая навуковая прыналежнасць да вышэйшай навучальнай установы,
- Цікавасць да выкладання, даследавання альбо публікацыі па пытаннях акадэмічнай свабоды,
- Перавага будзе аддавацца праектам, якія ўключаюць параўнальную, міжнародную альбо сумесную працу, асабліва шляхам уключэння ў якасці раўнапраўных партнёраў даследчыкаў з Паўднёвай часткі свету,
- Асабісты досвед рызыкі і пагрозы не з'яўляецца прычынай выбару, але даследчыкам, якія працуюць пад загрозай, рэкамендуецца падаць заяўку,
- Магчымасць удзелу ў 8-10 онлайн-семінарах і / або публічных вэбінарах з калегамі, супрацоўнікамі SAR, членамі сеткі і гасцямі (з належным забеспячэннем бяспекі),
- Магчымасць атрымаць стыпендыю законна і выканаць патрабаванні праграмы ў краіне, дзе зараз знаходзіцца аплікант, узяўшы на сябе адказнасць за падатковыя патрабаванні і патрабаванні да справаздачнасці, калі такія ёсць,
- Кандыдатам з Паўднёвай часткі свету, а таксама ад меншасцяў альбо маргіналізаваных супольнасцяў настойліва рэкамендуецца падаць заяўку.
ЗАЯЎКА:
- Анатацыя з 500-1000 слоў, якая падрабязна апісвае тэму даследавання, яе значэнне і тое, як гэта ўпісваецца ў доўгатэрміновыя мэты навучання або даследавання,
- Прапанаваны план / графік даследаванняў васьмімесячнай праграмы (лістапад 2021 г. - чэрвень 2022 г.),
- CV, у т.л. гісторыя публікацый,
- Апошні тэрмін падачы заявак: 15 жніўня 2021 г. Рашэнні будуць абвешчаны ў кастрычніку 2021 г.