Міжнародная канферэнцыя "Грамадскі ўдзел у мадэрнізацыі вышэйшай школы" (+фота)

Мiжнародная навукова-практычная канферэнцыя

«Грамадскі ўдзел у мадэрнізацыі вышэйшай школы: роля грамадзянскай супольнасці ў імплементацыі Дарожнай мапы рэфармавання вышэйшай адукацыі Беларусі»

Канференцыя адбылася ў Мінску 23-24 верасня 2016 года. Мэтай канференцыi было абмеркаванне стратэгіI імплементацыі Дарожнай мапы рэфармавання вышэйшай адукацыі Беларусі і прывядзення беларускай вышэйшай адукацыі да еўрапейскіх каштоўнасцяў і стандартаў. Вядучыя беларускія і замежныя эксперты ў сферы адукацыі, прадстаўнікі грамадзянскай супольнасці і афіцыйных структур абмяркавалi актуальныя праблемы імплементацыі Дарожнай мапы, пытанні ўдзелу стэйкхолдэраў у гэтым працэсе і яго ўплыў на развіццё беларускай вышэйшай адукацыі, структурныя рэформы і фундаментальныя каштоўнасці Еўрапейскай прасторы вышэйшай адукацыі. Адкрыла канференцыю Пасол Андрэа Вiктарын, глава Дэлегацыi Еўрапейскага Саюза ў Беларусi.

ПРАГРАМА КАНФЕРЭНЦЫI (PDF)

Асноўным дакладчыкам пленарнага паседжання канферэнцыі выступіў эксперт па палітыцы, менеджменце і адміністраванні вышэйшай адукацыі прафесар Ян Садлак (Ian Sadlak), прэзідэнт Міжнароднай абсерваторыі па акадэмічным ранжыраванні і ўдасканаленню (IREG Observatory), былы дырэктар Еўрапейскага цэнтра вышэйшай адукацыі (ЮНЕСКА-СЕПЕС 1999 -2009 гады) і кіраўнік Дэпартамента палітыкі ў галіне вышэйшай адукацыі ЮНЕСКА (1992 - 1999 гады).

Пераклад даклада професара Я. Садлака «Вышэйшая адукацыя ў 21ст.: глабальные трэнды и рэгiянальныя/лакальныя адказы» на русскую мову.

23 верасня удзельнiкi канферэнцыі працавалi ў межах трох секцый:

Структурныя рэформы сістэмы вышэйшай адукацыі ў Беларусі
Вышэйшая адукацыя і рынак працы. Развіццё Нацыянальнай рамкі кваліфікацый
Сацыяльнае вымярэнне вышэйшай адукацыі і фундаментальныя акадэмічныя каштоўнасці

24 верасня ў рамках канферэнцыі прайшоў круглы стол «Досвед Балонскіх трансфармацый у краінах Усходняга партнёрства», у якім прынялi удзел спецыялісты з краін УП, а таксама Польшчы і Літвы. Эксперты прадставiлi панараму рэформаў вышэйшай адукацыі ў краінах Усходняга партнёрства, абмяркавалi выклікі і праблемы рэалізацыі стандартаў Балонскага працэсу ў краінах Усходняга партнёрства і перспектывы сумесных дзеянняў.

Арганізатары канферэнцыі:

Грамадскі Балонскі камітэт (Беларусь), Агенцтва сацыяльнай і палітычнай экспертызы (Літва),

Форум грамадзянскай супольнасці Усходняга партнёрства і яго Беларуская нацыянальная платформа,

міжнародны кансорцыум "ЕўраБеларусь" і даследчы цэнтр «Аналітычная група CET» (Беларусь).

Партнёр канферэнцыі - Офіс па правах людзей з інваліднасцю (Беларусь).

ФОТАСПРАВАЗДАЧА АБ КАНФЕРЭНЦЫI